متحدہ عرب امارات کے ساتھ اسرائیل کے معاہدے پر خلیجی اور یورپی ممالک سمیت پاکستان میں یو اے ای کے مخالف احتجاجی مظاہروں کا سلسلہ جاری ہے۔
متحدہ عرب امارات کے خلاف مظاہرے ترکی، پاکستان، فلسطین، بیلاروس، نیویارک، یمن سمیت دیگر ممالک میں ہورہے ہیں۔
گزشتہ روز پاکستان میں جماعت اسلامی نے فلسطینیوں سے اظہارِیکجہتی کے لیے ملک گیرمظاہرے کیے گئے جبکہ شہر کراچی میں سب سے بڑا احتجاجی مظاہرہ کیا گیا جس میں عوام کی بڑی تعداد نے شرکت کی اور امارات اسرائیل معاہدے کو مسترد کیا۔
احتجاجی شرکاء نے قبلہ اول کی حفاظت کے عزم کا اظہار کرتے ہوئے فلسطینی عوام سے یکجہتی کا اظہار کیا۔
دوسری جانب فلسطینیوں سے اظہارِ یکجہتی کے حق میں نکالی گئی ریلی پر ترک صدر رجب طیب ایردوان پر فخر کا اظہار کیا۔
ترکی کی جانب سے پہلے ہی امارات اسرائیل معاہدے کو ناقابل قبول اور فلسطین کاز سے غداری قرار دیا جاچکا ہے۔
اسی طرح بیلاروس کےدارالحکومت سےمنسلک مختلف شہروں میں فلسطینیوں سے یکجہتی کیلئے مظاہرے کیے گئے، ان مظاہروں کو بیلاروس کی آزادی کے بعدسب سے بڑے قرار دیا جا رہا ہے، مظاہرین کی جانب سے صدر لوکاشنکو سے استعفیٰ کا مطالبہ کیا۔
یمن کےشہر شبوہ میں یمن کی تقسیم اور یو اے ای اسرائیل معاہدے کے خلاف شدید احتجاج کیا گیا جس میں ہزاروں افراد کی شرکت کی۔
واضح رہے کہ فلسطین میں مقبوضہ بیت المقدس میں مسجد اقصی اور گنبد صغریٰ اور غزہ میں امارات اور اسرائیل معاہدے کے خلاف احتجاج کیا گیا جس میں معاہدے کو ‘خیانت’ قرار دے کر مسترد کردیا گیا۔