ترک خاتون اول سے عامر خان کی ملاقات، تصاویر وائرل

606

ترک خاتون اول آمینہ اردوگان سے بھارتی سپراسٹار عامر خان نے ملاقات کی جس کی تصاویر سوشل میڈیا پر وائرل ہو گئیں۔

بھارتی اداکار اپنی نئی فلم کی عکس بندی کے لیے ترکی میں موجود ہیں اور اس سلسلے میں ترک حکومت اور ادارہ ثقافت و سیاحت ان کی معاونت کر رہی ہے۔

اپنے دورے کے دوران عامر خان کی ترک خاتون اول سے ملاقات  ہوئی جو کافی دیر تک جاری رہی۔ون آن ون ملاقات کی تصاویر خون خاتون اول نے اپنے سوشل میڈیا پر شیئر کیں۔

اپنی ٹوئٹ میں آمینہ اردوگان نے کہا کہ  مجھے عامر خان سے مل کر بہت خوشی ہوئی، عالمی شہرت یافتہ بھارتی اداکار ، فلمساز ، اور ہدایتکار استنبول میں ہیں اور مجھے یہ جان کر خوشی ہوئی کہ عامر نے اپنی تازہ ترین فلم ’لال سنگھ چدھا‘ کی شوٹنگ کو ترکی کے مختلف علاقوں میں عکس بند کرنے کا فیصلہ کیا ہے۔ میں اس کی منتظر ہوں!