سائوتھیمپٹن ٹیسٹ ،خراب روشنی کے باعث چوتھے روز کا کھیل روک دیا گیا

172
سائوتھیمپٹن ٹیسٹ: کھیل کے چوتھے روز شاہین شاہ آفریدی انگلینڈ کے خلا ف وکٹ لینے کے بعد پرجوش انداز میں

سائوتھیمپٹن(جسارت نیوز) پاکستان اور انگلینڈ کے درمیان دوسرا ٹیسٹ میچ میں چوتھے روز کا کھیلبارش کے باعث روک دیاگیا ہے۔اولڈ ٹریفورڈ ٹیسٹ میں دو روز تک بارش نے بھرپور مداخلت کی، پہلے روز 46 اور دوسرے روز صرف 40 اوورز کرپاکستانی ٹیم 236رنز بناکر آئوٹ، محمد رضوان کی 72رنز کی شانداراننگز،شان ،اظہر اوراسدپھر ناکام انگلینڈ نے دوسری اننگزمیں 7رنز بنالیے،روری برنز کھاتہ کھولے بغیر شاہین شاہ آفریدی کے ہاتھوں کلین بولڈوائے جاسکے جب کہ تیسرے روز بارش کے باعث ایک اوور بھی نہیں کروایا جاسکا اور چوتھے روز پاکستانی ٹیم 236 رنز پر آؤٹ ہوگئی، محمد رضوان نے 72 رنز کی شاندار اننگز کھیلی۔انگلینڈ نے ابھیبیٹنگ کا آغاز ہی کیا تھا کہ شاہین شاہ آفریدی نے پہلے ہی اوورز میں روری برنز کو کھاتہ کھولے بغیر پویلین واپس بھیج دیا تاہم 5 اوورز بعد خراب روشنی اوربارش کے باعث ایک بار پھر کھیل روک دیا گیا۔ انگلینڈ نے ایک وکٹ کے نقصان پر 7 رنز بنالیے ہیں۔ساؤتھمپٹن ٹیسٹ کا پہلا روز بھی بارش سے متاثر رہا جس کی وجہ سے صرف 46 اوورز ہی کروائے جاسکے جس میں پاکستان کی آدھی ٹیم صرف 126 رنز پر پویلین واپس لوٹ گئی، شان مسعود صرف ایک رنز کے مہمان ثابت ہوئے۔ کپتان اظہر علی اور اسد شفیق ایک بار پھر ناکام ثابت ہوئے اور دونوں بالترتیب 20 اور 5 رنز بناسکے۔ 11 سال بعد ٹیسٹ اسکواڈ کا حصہ بننے والے فواد عالم صرف 4 گیندوں کے مہمان ثابت ہوئے اور کھاتہ کھولے بغیر پویلین واپس لوٹ گئے۔ فواد عالم نے اپنا آخری ٹیسٹ 2009ء میں نیوزی لینڈ کے خلاف کھیلا تھا۔ عابد علی نصف سنچری بنانے میں کامیاب رہے لیکن انہوں نے بھی 60 رنز پر اپنی وکٹ گنوادی۔