پاکستان کو خود انحصار قوم کے طور پر ابھرنا ہوگا: وزیر اطلاعات

510

اسلام آباد: وفاقی وزیر اطلاعات ونشریات شبلی فراز کا کہنا ہے کہ حکومت نے نئے پاکستان کا وژن دے کر خود کو عوامی ترقی کے لیے وقف کردیا۔

تصویری نمائش کی تقریب سے خطاب کرتے ہوئے وفاقی وزیر شبلی فراز نے کہا کہ نمائش کا مقصد نئی نسل میں پاکستان کی اہمیت کو اجاگر کرنا ہے، نمائش سے قیامِ پاکستان کی جدوجہد سے متعلق نئی نسل کو آگا ہی ملےگی۔

شبلی فراز نے کہا کہ حکومت معاشی اور سماجی ترقی کے لیے کوشاں ہے، پاکستان کو اقوام عالم میں خود انحصار قوم کے طور پر ابھرنا ہوگا۔

انہوں نے اپنے خطاب میں کہا کہ حکومت نے نئے پاکستان کا وژن دے کر خود کو عوامی ترقی کے لیے وقف کردیا، آزادی ایک عظیم نعمت ہے۔