سمندری طوفان ’’میکھالا‘‘ چینی صوبے فوجیان سے ٹکرا گیا

بیجنگ (انٹرنیشنل ڈیسک) چین میں سمندری طوفان ’’میکھالا‘‘ فوجیان صوبے کی ساحلی پٹی سے ٹکرا گیا، جس کے نتیجے میں کئی مکانات اور دیگر املاک کو شدید نقصان پہنچا۔ خبر رساں اداروں کے مطابق صوبے کے ساحلی علاقوں میں طوفانی ہواؤں کے ساتھ بارش کا سلسلہ جاری ہے۔ اس دوران تقریباً ایک ہزار افراد کو نکال کر محفوظ مقامات پر منتقل کردیا گیا ہے۔ واضح رہے کہ میکھالا رواں برس چین سے ٹکرانے والا چھٹا سمندری طوفان ہے۔