سراج الحق کی جسارت کے چیف ایڈیٹر اطہر علی ہاشمی کے بیٹوں سے ملاقات و تعزیت 

384
 امیر جماعت اسلامی پاکستان سینیٹر سراج الحق نے سینئر صحافی و کالم نگار روزنامہ ”جسارت“ کے چیف ایڈیٹر سید اطہر علی ہاشمی کے انتقال پر ان کے صاحبزادوں حماد اور فواد سے ان کے گھر جا کر ملاقات کی اور گہرے دکھ اور افسوس کا اظہار کیا۔ مرحوم کے درجات کی بلندی و مغفرت اور اہل خانہ کے لیے صبر جمیل کی دعا کی۔ سراج الحق نے کہا کہ سید اطہر علی ہاشمی کی صحافت کے میدان میں گرانقدر خدمات، جسارت سے طویل عرصے کی وابستگی اور اس کے لیے کوششوں پر ان کی خدمات ہمیشہ یاد رکھی جائیں گے۔ا س موقع پر مرکزی نائب امیر و سابق رکن قومی اسمبلی میاں محمد اسلم،امیر جماعت اسلامی کراچی حافظ نعیم الرحمن، نائب امیر مسلم پرویز، سیکریٹری اطلاعات زاہد عسکری، ضلع شرقی کے قائم مقام امیر عزیز الدین ظفر، نائب امراء ضلع افتخار احمد، نعیم اختراورنصر عثمانی سمیت دیگر بھی موجود تھے #