کراچی (اسپورٹس ڈیسک) مانچسٹر ٹیسٹ کی دوسری اننگ میں پاکستان نے 8 وکٹ کے نقصان پر 137 رنز اسکور کرتے ہوئے انگلینڈ پر 244 رنز کی برتری حاصل کرلی۔پاکستان کے خلاف سیریز کا پہلا ٹیسٹ میچ انگلینڈ کے شہر مانچسٹر میں واقع اولڈ ٹریفورڈ میں جاری ہے جہاں آج تیسرے دن کا کھیل ہوا۔ انگلینڈ کی پوری ٹیم کو 219 رنز پر ڈھیر کرکے 107 رنز کی برتری حاصل کرنے والی پاکستان کی ٹیم دوسری اننگ کے آغاز میں ہی اس وقت ڈگمگا گئی جب پہلی اننگ میں 63 رنز کے مجموعی اسکور پر 4 وکٹیں گرگئیں۔پہلی اننگ میں 156 رنز کی شاندار بلے بازی کرنے والے شان مسعود دوسری اننگ میں صفر پر بٹلر کے ہاتھوں کیچ آئوٹ ہوگئے۔ پہلی اننگ کے ہیرو کی وکٹ اسٹورٹ براڈ کے نام ہوئی۔ان کے بعد نوجوان اوپننگ بلے باز عابد علی نے محتاط اننگ کھیلنے کی کوشش کی تاہم ڈوم بیس کی ایک گیند پر جارحانہ اسٹروک کھیلنے کی کوشش میں 20 رنز پر اپنی وکٹ گنوا بیٹھے۔بابر اعظم 20 گیندیں کھیل کر محض 52 رنز بنانے کے بعد ووکس کی گیند پر بین اسٹوکس کو کیچ دے بیٹھے۔ چوتھی وکٹ اظہر علی کی گری جو کہ ووکس کی گیند پر ایل بی ڈبلیو ہوگئے۔اسد شفیق نے 29 رنز بنائے اور رن آئو ٹ ہوگئے، محمد رضوان 27 رنز پر اسٹوکس کے ہاتھوں ایل بی ڈبلیو ہوگئے اسی طرح شاداب خان بھی 15 رنز بناکر براڈ کے ہاتھوں ایل بی ڈبلیو ہوگئے۔شاہین شاہ آفریدی 11 گیندوں پر محض 2 رنز پر اسٹوکس کی گیند پر برنس کو کیچ دے بیٹھے۔ یاسر شاہ 12 رنز اور محمد عباس صفر کے ساتھ ناٹ آؤٹ کریز پر موجود ہیں۔ پاکستان نے مجموعی طور پر 44 اوورز میں 137 رنز اسکور کیے اور انگلینڈ پر 224 رنز کی برتری حاصل کرلی۔قبل ازیں انگلینڈ نے تیسرے روز 4 وکٹ پر 92 رنز سے اپنی نامکمل اننگز کا آغاز کیا۔ اولے پوپ اور جوز بٹلر ایک مشکل وقت پر کریز پر آئے تو اولے پوپ نے ذمہ داری سے بیٹنگ کرتے ہوئے نصف سنچری مکمل کی تاہم نسیم شاہ نے ان کی مزاحمت کو 62 رنز پر ختم کردیا۔اولے پوپ کے پویلین واپس جانے کے بعد وکٹ کیپر بیٹسمین جوز بٹلر نے پاکستانی بولروں کو خوب پریشان کیے رکھا تاہم یاسر شاہ نے 38 رنز پر ان کی اننگز کا خاتمہ کیا جس کے بعد ڈومینک بیس میدان میں آئے اور صرف ایک رن بنانے کے بعد پویلین واپس لوٹ گئے۔ اس کے بعد اوپر تلے وکٹیں کمزور پتوں کی طرح گرتی رہیں۔پاکستان کے سب سے کامیاب بولر یاسر شاہ رہے جنہوں نے 4 کھلاڑیوں کو پویلین کی راہ دکھائی، اس کے علاوہ شاداب اور عباس نے 2,2 کھلاڑیوں کو آئوٹ کیا جب کہ شاہین آفریدی اور نسیم شاہ کے حصے میں ایک ایک وکٹ آئی۔ انگلینڈ کی جانب سے اولی پاپ 62 زنز کے ساتھ سب سے نمایاں بلے باز رہے۔انگلینڈ کی جانب سے بٹلر 38 اور اسٹورٹ براڈ نے بھی 28 رنز بنا کر ٹیم کی پوزیشن مستحکم کرنے کی کوشش کی تاہم بعد میں آنے والے بلے بازوں نے ان کا ساتھ نہ دیا اور یوں پوری ٹیم 219 رنز پر آئوٹ ہوگئی۔اس سے قبل پاکستان شان مسعود کی ریکارڈ ساز اننگز کی بدولت پہلی اننگز میں 326 رنز بنانے میں کامیاب رہے۔ شان مسعود 156 اور بابراعظم 69 رنز کی اننگز کھیل کر آؤٹ ہوئے۔ انگلینڈ کی جانب سے اسٹورٹ براڈ اور جوفرا آرچر نے 3،3 جب کے کرس ووکس نے 2 وکٹیں حاصل کیں۔
