کراچی میں مون سون کے چوتھے اسپیل کے تحت موسلا دھار بارشوں کا امکان ہے جس کے باعث شہر میں سیلابی صورتحال کا خدشہ ہے۔
ڈائریکٹر محکمہ موسمیات سردار سرفراز کے مطابق کراچی میں 3 دن کے اسپیل کے دوران 100 سے 130 ملی میٹر بارش کا امکان ہے، مون سون کا یہ سسٹم جمعرات کو سندھ پر اثر انداز ہوگا۔
میٹ آفس کے مطابق ہوا کے کم دباؤ کے ملنے سے مون سون بارشوں کی شدت میں اضافے کا خدشہ ہے، ہوا کا کم دباؤ خلیج بنگال پر موجود ہے۔
محکمہ موسمیات نے مون سون کے دو سسٹم کے تحت شہر میں موسلا دھار بارش کی پیشگوئی کردی ہے۔ جب کہ مون سون کے چوتھا مرحلے کی موسلا دھار بارشوں سے شہر میں سیلابی صورتحال کا خطرہ ہے۔