جوسیلسبری اور ہیریٹ ڈارٹ نے برٹش اوپن مکسڈ ڈبلز ٹائٹل جیت لیا

312

لندن (جسارت نیوز) انگلینڈ کے ٹینس ا سٹار جو سیلسبری اور انکی ہم وطن جوڑی دار ہیریٹ ڈارٹ نے برٹش اوپن ٹینس ٹورنامنٹ جیت لیا، انہوں نے فائنل میچ میں انگلینڈ کے نامور ٹینس اسٹار جیمی مرے اور انکو ہم وطن جوڑی دار ہیدر واٹسن کو شکست دیکر مکسڈ ڈبلز ٹائٹل اپنے نام کرلیا۔ روہمپٹن کے ٹینس سینٹر میں کھیلے گئے مکسڈ ڈبلز فائنل میچ میں انگلینڈ کے ٹینس اسٹار جو سیلسبری اور انکی ہم وطن جوڑی دار ہیریٹ ڈارٹ نے شاندار کارکردگی کا مظاہرہ کرتے ہوئے انگلینڈ کے نامور ٹینس ا سٹار جیمی مرے اور انکے ہم وطن جوڑی دار ہیدر واٹسن کو ا سٹریٹ سیٹس میں شکست دیکر ٹائٹل اپنے نام کرلیا۔ انکی فتح کا اسکور 6-4 اور 6-2 تھا۔ ٹورنامنٹ کے منتظم جیمی مرے نے کہا کہ ٹینس کھیل کے حوالے سے یہ ایک ہفتہ حیرت انگیز رہا۔ انہوں نے کہا کہ میں نے سوچا کہ یہ سب ہوسکتا ہے۔ انہوں نے کہا کہ پیشہ ورانہ دورے عالمی وبائی بیماری کورونا وائرس کی وجہ سے معطل تھے۔ ملک کے سرکردہ مرد اور خواتین کھلاڑیوں نے منفرد ٹیم ایونٹ میں سنگلز، ڈبلز اور مکسڈ ڈبلز کے میچوں میں ایک ساتھ شرکت کی جو خوش آئند ہے۔ انہوں نے کہا کہ تمام ایونٹس کے کامیاب انعقاد پر بہت خوش ہوں۔