ریاض: حرمین شریفین کے انتظامی امور کے ذمہ دار نے شاہ عبدالعزیز کمپلیکس سے’غلافہ کعبہ’کو خانہ کعبہ تک پہنچانے کی تیاری مکمل کرلی۔
غلاف کعبہ کو منتقل کرنے کیلئے وزارت صحت کے وضع کردہ طریقہ کار اور ایس او پیز پر عمل درآمد یقینی بنایا جائے گا، تاکہ غلاف کعبہ کی تبدیلی کے دوران کرونا وبا “کووڈ – 19” کے پھیلاؤ کو روکا جا سکے۔
سعودی میڈیا کا کہناہے کہ غلاف کعبہ کو خانہ کعبہ شریف تک پہنچانے کے لیے ایک بڑے ٹرک پر لایا جاتا ہے۔ اس ٹرک پر غلاف کعبہ کے مختلف اجزا کو محفوظ طریقے سے لایا جاتا ہے،ٹرک کی معاونت کے لیے ایک پیک اپ گاڑی اور تکنیکی عملے کے تعاون سے ایک موبائل ورکشاپ کے لیے کا انتظام کیا جاتا ہے جبکہ عملہ انتہائی مہارت اور احتیاط کے ساتھ غلاف کعبہ کو گاڑی سے اتارنےکے بعد خانہ کعبہ کی زینت بنانے کی خدمت سرانجام دیتا ہے۔