کراچی سے لاہور کا فضائی سفر ٹرین و روڈ سے سستا

ویب ڈیسک -
1463

لاہور سے کراچی کا فضائی سفر روڈ  اور ٹرین سے سستا ہوگیا، نجی ائیر لائن سیرین ائیر نے ملک کے 2 بڑے شہروں کے درمیان پرواز کا کرایہ صرف 6 ہزار 799 روپے مقرر کر دیا۔

پاکستان میں اندرون ملک فضائی سفر کے کرایوں میں حیران کن کمی پر غیر ملکی میڈیا بھی حیران ہے، جہاں اس وقت دنیا کے بیشتر ممالک میں ائیرلائن مشکلات کا شکار ہیں اور کرایوں میں بھی اضافے کا رجحان دیکھنے میں آرہا ہے، وہیں پاکستان میں بالکل مختلف ٹرینڈ دیکھا جارہا ہے۔

گلف نیوز کی رپورٹ کے مطابق پاکستان میں 3 بڑی فضائی کمپنیوں نے اندرون ملک کرایوں میں ناقابل یقین حد تک کمی کر دی ہے۔اس وقت پاکستان میں لاہور سے کراچی کے درمیان فضائی سفر کا کرایہ صرف 6 ہزار 799 روپے ہوگیا ہے۔

 گلف نیوز نے اپنی رپورٹ میں ایک پاکستانی صارف کی ٹوئٹ کا حوالہ دیا جس میں لاہور سے کراچی کے درمیان فضائی، روڈ اور ٹرین کے سفر کے کرایوں کا جائزہ لیا گیا ہے۔

نجی ائیرلائن سرین ائیر اس وقت دونوں شہروں کے درمیان ایک طرفہ سفر کا کرایہ 6 ہزار 799 روپے چارج کررہی ہے جبکہ اگر لاہور سے کراچی گرین لائن ٹرین پر سفر کیا جائے تو بزنس کلاس کی ایک سیٹ کا کرایہ 6600 روپے بنتا ہے اور دوران سفر کھانے پینے کا خرچ الگ ہے۔ اگر بذریعہ روڈ سفر کیا جائے تو گاڑی کے فیول کا خرچ کم سے کم بھی 10 ہزار روپے تک بنتا ہے۔

کراچی سے لاہور کا فضائی سفر صرف ڈیڑھ گھنٹے میں مکمل ہوجاتا ہے، ٹرین پر 16 سے 18 گھنٹے اور بذریعہ روڈ کم سے کم بھی 12 سے 14 گھنٹے کا وقت لگتا ہے۔ اندرون ملک پروازوں کے کرایوں میں سب سے پہلے پی آئی اے نے کمی کی، جس کے بعد دیگر ائیرلائن نے بھی کرایوں میں کمی کردی۔ اس وقت پی آئی اے کی جانب سے کراچی، لاہور، اسلام آباد کے درمیان پروازوں کا کرایہ 9 ہزار 572 روپے رکھا گیا ہےجبکہ نجی ائیرلائن ائیربلیو کی اسلام آباد، کراچی اور لاہور کے درمیان چلائی جانے والی پروازوں کا ایک طرفہ کرایہ اب محض 7 ہزار 889 روپے ہے ۔

مزید خبریں