وفاقی وزیر فواد چوہدری نے سائنس وٹیکنالوجی کے بعد کرکٹ میدان میں قدم رکھ لیا ۔
وفاقی وزیربرائے سائنس وٹیکنالوجی فواد چوہدری نے ٹوئٹر پر کوکابورا کی جانب سے تیارکی جانے والی اسمارٹ بال کی ویڈیو شئیر کرتے ہوئے لکھا کہ سیالکوٹ والوں آؤ یہ کام کردکھائیں، میرے خیال میں اس گیند کی تیاری میں کوئی مسئلہ نہیں ہونا چاہیے، پاکستان اپنی اسمارٹ کرکٹ بال تیارکرے گا۔
Sialkot walas lets do that shouldn’t be a problem … lets do a joint project with Technology Universities and create own smart cricket ball… https://t.co/SG5QK0wlaE
— Ch Fawad Hussain (@fawadchaudhry) July 13, 2020
واضح رہے کہ آسٹریلیا نے گزشتہ سال ٹی 20 کرکٹ ٹورنامنٹ کیلیے’اسمارٹ بال’ تیار کی تھی جس میں مائیکرو چپ نصب تھی ، اس کی مدد سے گیند کوپھینکتے اورباؤنس کے بعد کی رفتارکا درست اندازہ لگایا جاسکتا ہے جبکہ اسپنرزکی گیند کتنی گھومی یہ بھی معلوم ہوسکتا ہے۔
اسمارٹ بال بیٹ یا پیڈ، گھاس یا فیلڈرکے ہاتھ کولگی، اس کی بھی درست معلومات حاصل ہونے سے امپائرز کو مدد مل سکتی ہے ۔
