لاہور ہائی کورٹ نے کمشنرز اور ڈپٹی کمشنرز پنجاب کو عدالتی اختیارات دینے کا نوٹی فکیشن معطل کردیا۔
تفصیلات کے مطابق کمشنرز اور ڈپٹی کمشنرز پنجاب کو عدالتی اختیارات دینے کے خلاف کیس کی چیف جسٹس لاہور ہائی کورٹ قاسم خان نے کی۔
جسٹس قاسم خان نے پنجاب حکومت پر برہمی کا اظہار کرتے ہوئے کہا کہ حکومت کو جوڈیشری کے اختیارات کا بہت شوق ہے، نوٹی فکیشن جاری اور منظور کرنے والوں کو توہین عدالت کا نوٹس جاری کروں گا۔
چیف جسٹس نے کہا کہ پنجاب حکومت نے عدالتوں میں تماشہ لگا رکھا ہے، حکومت نے سسٹم کا بیڑا غرق کر کے رکھ دیا۔
جسٹس قاسم خان نے کہا کہ نوٹی فکیشن کالعدم ہوا تو وزیراعلیٰ پنجاب کو توہین عدالت نوٹس جاری کروں گا۔
