جماعت اسلامی کا کے الیکٹرک کیخلاف دھرنا دینے کا اعلان

263

امیرجماعت اسلامی کراچی حافظ نعیم الرحمن نےکے الیکٹرک کی غیر اعلانیہ لوڈ شیڈنگ اور اوور بلنگ کے خلاف 11 مارچ کو  دھرنا دینے کا اعلان کردیا ہے۔

جماعت اسلامی کی جانب سے جاری بیان کے مطابق حافظ نعیم الرحمن نےکہا کہ بروز ہفتہ شام 4بجے شاہراہ فیصل (نرسری)پر کے الیکٹرک کے خلاف دھرنادیا جائے گا،شہریوں سے اپیل کی ہے کہ وہ زیادہ سے زیادہ تعداد میں اس دھرنے میں شریک ہوں۔

امیر جماعت اسلامی کراچی نے کہا کہ کے الیکٹرک کا ادارہ کراچی کے شہریوں کے لیے عذاب بن گیا ہے،حکومتوں میں شامل پارٹیاں کے الیکٹرک کی سرپرستی کررہی ہیں اور یہ ادارہ کراچی کے شہریوں پر ظلم ڈھارہاہے،کراچی کے شہریوں پر ایک بار پھر بجلی کی قیمتوں میں اضافہ کر کے شہریوں پر بجلی بم گرایا ہے۔

حافظ نعیم الرحمن نے کہا کہ حکومتوں میں شامل جماعتیں کراچی کے عوام کی آنکھوں میں دھول جھونک رہے ہیں،بجلی کی قیمتوں میں اضافے کے فیصلے میں حکومتی جماعتیں شامل ہیں،حکومتوں میں شامل پارٹیاں نام نہاد طریقے سے کوشش کررہی ہیں کہ کس طرح کے الیکٹرک کو سپورٹ کیا جائے۔