گجراتی مکس سبزی

مقدار اجزاء
چار کھانے کے چمچ آئل
ایک چائے کا چمچ زیرہ
آدھا چائے کا چمچ اجوائن
آدھا پاؤ بینگن
سو گرام مٹر
ڈیڑھ سو گرام آلو کیوبز
نوے گرام گاجر کیوبز
ڈیڑھ سو گرام شکر قندی
ایک چائے کا چمچ ادرک پیسٹ
ایک چائے کا چمچ لہسن پیسٹ
ایک چائے کا چمچ ہری مرچ پیسٹ
ڈیڑھ سو گرام ہرا دھنیا کٹا ہوا
ڈیڑھ سو گرام تازہ میتھی
آدھا چائے کا چمچ ہلدی پاؤڈر
ایک چائے کا چمچ چینی
حسب ذائقہ نمک
ڈیڑھ سو گرام ناریل کدوکش کیا ہوا
ترکیب:
ایک سوس پین میں تیل گرم کریں۔ اور اس میں زیرہ اور اجوائن ڈال کر کڑکڑائیں۔ اب اس میں ادرک ، لہسن ، ہری مرچ ڈال کر کچھ دیر بھونیں۔ اس کے بعد ہرا دھنیا ، تازی میتھی اور ناریل ڈال کر کچھ دیر پکائیں۔ اس کے بعد ہلدی پاؤڈر ، چینی اور نمک ڈال کر مکس کریں۔اب بینگن ، آلو، شکر قندی، مٹر، گاجر ڈال کر اتنا پانی شامل کریں۔ کہ سبزیاں اس میں ڈھک جائیں۔ اور آنچ ہلکی کر کے سبزیوں کے گل جانے تک پکائیں۔ اس دوران بیسن میں میتھی، سوڈا، اجوائن، نمک اور پانی ڈال کر نرم آٹا گوندھ لیں۔ ایک کڑاہی میں تیل گرم کریں۔ اس تیار آٹے سے چیری کے برابر گول بالز بنا کر تیل میں ڈال کر تل لیں۔ جب سنہری ہو جائیں تو نکال کر اخبار پر پھیلا دیں۔ اور پیش کرتے وقت تیار گجراتی مکس سبزی کے اوپر ڈال کر پیش کریں۔