پشاور زلمی کیا ارطغرل اور حلیمہ سلطان کو برانڈ ایمبیسڈر بنا پائے گی؟

424

پشاور زلمی کے اونر جاوید آفریدی نے ترک ڈرامہ سیریل “ارطغرل غازی ” کےہیرو انجن التان  کے بعد ایک اور مقبول کردار حلیمہ سلطان کو  بھی ٹیم کا حصہ بنائے جانے پر رائے طلب کرلی۔

پاکستان سپر لیگ (پی ایس ایل) کی مقبول ترین فرنچائز پشاور زلمی  اپنے جوش وخروش اور بڑے ناموں کی شمولیت کے باعث شائقین میں خاصی مقبول ہے ، ایسے میں زلمی کے مالک جاوید آفریدی نے حال ہی میں پاکستان میں مقبولیت کے ریکارڈ توڑنے والے ترکش ڈرامے”ارطغرل غازی ” ہیرو انجن التان کو ٹیم کا برانڈ ایمبیسڈر بنانے سے متعلق رائے مانگی تھی جس پر صارفین نے انہیں ساتھ میں ترک اداکارہ “حلیمہ سلطان” یعنی  ایسرابالجیک کو بھی ٹیم کا حصہ بنائے جانے کا مطالبہ کیا تھا ۔

نمزید پڑھئیے: ترک ڈرامہ”ارطغرل غازی” یکم رمضان سے پی ٹی وی پر نشر ہوگا

دلچسپ امر یہ ہے کہ انجن التان اور ایسرا بالجیک ڈرامے کے مداحوں سے ملنے والی محبت کے باعث پہلے ہی پاکستان آنے کی خواہش کا اظہارکرچکے ہیں۔

جاوید آفریدی کی ان ٹوئٹس کے بعد صارفین دلچسپ ردعمل کا اظہار کررہے ہیں جبکہ زیادہ تر صارف دونوں کو زلمی کا برانڈ ایمبیسڈر دیکھنا چاہتے ہیں۔

قبل ازیں پشاور زلمی کیلئے گلوکارہ گل پانڑہ، اداکاہ ماہرہ خان، حمزہ علی عباسی، ثناء جاوید سمیت کئی معروف شخصیت زلمی کے برانڈ ایمبیسڈر رہ چکے ہیں ۔

واضح رہے کہ  ترک ڈرامہ “ارطغرل غازی ” کو وزیراعظم عمران خان کی ہدایت پر پاکستان میں یکم رمضان المبارک سے سرکاری ٹی وی پراردو ڈبنگ کے ساتھ نشر کیا جارہا ہے جو کہ 13ویں صدی میں سلطنت عثمانیہ کے قیام سے قبل اسلامی فتوحات کے سلسلے پر  مبنی ہے ۔