ایف بی آر کی چیئرپرسن  نوشین جاوید فارغ ، جاوید غنی نئے چیئرمین تعینات

323

اسلام آباد: وفاقی حکومت نے فیڈرل بورڈ آف ریونیو (ایف بی آر ) کی چیئرپرسن نوشین جاویدامجد کو ان کے عہدے سے ہٹا کرجاوید غنی کو نیا چیئرمین تعینات کردیا ہے۔

میڈیا رپورٹس کے  مطابق وفاقی کابینہ نے ایف بی آر کے نئے چیئرمین  کے تعینات کی سمری کی منظوری کا نوٹی فکیشن جاری کردیا ہے۔

نوٹی فکیشن میں نوشین جاوید کو ایف بی آر چیئرمین سے ہٹا کر وفاقی سیکریٹری برائے ثقافت تعینات کردیا ہے۔

خیال رہے کہ  6 اپریل کو شبر زیدی کی جگہ نوشین جاوید امجد کو بطور ایف بی آر چیئرپرسن تعینات کیا تھا، جو ان لینڈ ریونیو سروس کی گریڈ 22کی افسر تھیں،جبکہ شبر زیدی نے واضح کہا تھا کہ میں نے کوئی استعفی نہیں دیا ہے۔