وفاقی وزیر سائنس اینڈ ٹیکلنالوجی فواد چوہدری کا کہنا ہے کہ وزیراعظم عمران خان کا صوبائی فنانس ایوارڈ نافذ کرنے کا فیصلہ انتہائی اہم ہے۔
گزشتہ روز وزیراعظم کی زیرِ صدارت وفاقی کابینہ کے اجلاس میں وزیراعظم نے تمام صوبوں میں منظم طریقے اور سیاسی تفریق کے بغیر کام یقینی بنانے کے لیے صوبائی فنانس کمیشن کو فعال کرنے کی ہدایت کی تھی۔
اسی سلسلے میں فواد چوہدری نے ٹوئٹ کرتے ہوئے اس فیصلے کا خیر مقدم کیا۔
وفاقی وزیر نے ٹوئٹ کرتے ہوئے کہا کہ صوبائی فنانس کمیشن کے تحت اضلاع اب اپنے حصے کے ترقیاتی فنڈز کے لیے صوبائی حکومتوں کے محتاج نہیں ہوں گے۔
انہوں نے کہا کہ صوبائی وسائل حصہ آئینی فارمولے کے مطابق تقسیم ہوں گے یہ بنیادی اصلاحات کی طرف ایک بہت بڑا قدم ہے۔
فواد چوہدری نے اپنی ٹوئٹ میں وفاقی کابینہ کا بھی شکریہ ادا کیا۔
وزیر اعظم @ImranKhanPTI کا صوبائ فنانس ایوارڈ نافذ کرنے کا فیصلہ انتہائ اہم ہے، اضلاع اب اپنے حصے کے ترقیاتی فنڈز کیلئے صوبائ حکومتوں کے محتاج نہیں ہوں گے بلکہ صوبائ وسائل حصہ آئینی فارمولے کے مطابق تقسیم ہوں گے یہ بنیادی اصلاحات کی طرف ایک بہت بڑا قدم ہے۔ کابینہ کا بھی شکریہ
— Ch Fawad Hussain (@fawadchaudhry) July 2, 2020