لاہور: دورہ انگلینڈ کے لیےقومی ٹیم کے 6 رکنی کھلاڑیوں کا دوسرا گروپ 3 جولائی کو پی آئی اے سے مانچسٹر روانہ ہوگا۔
دورہ انگلینڈ کیلئے 3 جولائی کو پاکستان انٹرنیشنل ائیر لائن( پی آئی اے) کے ذریعے جانے والے کھلاڑیوں میں فخر زمان، محمد حسنین، محمد حفیظ، محمد رضوان، شاداب خان اور وہاب ریاض شامل ہیں۔
قومی کھلاڑی مانچسٹر پہنچنے کے بعد کھلاڑی بذریعہ بس وورسٹر روانہ ہوجائیں گے ، جہاں ای سی بی ٹیسٹنگ پروگرام کے زیراہتمام کوویڈ19 ٹیسٹنگ میں منفی رزلٹ دینے پر انہیں اسکواڈ کے دیگر کھلاڑیوں کے ساتھ شامل کرلیا جائے گا۔
Six more Pakistani players will leave for Manchester on July 3#PAKvENG #Cricket #COVID19 pic.twitter.com/m8gAV9kiAC
— Cric Mindz (@CricMindz) July 1, 2020
واضح رہے کہ انگلینڈمیں موجود پاکستانی کرکٹ ٹیم کے 20 کھلاڑی اور ٹیم منیجمنٹ کے 12 اراکین کے کورونا ٹیسٹ منفی آئے ہیں۔
یاد رہے کہ دورہ انگلینڈ کے لیے پہلے روانہ ہونے والے کھلاڑیوں میں( کپتان ) اظہر علی، (نائب کپتان )بابراعظم، عابدعلی، اسد شفیق، فہیم اشرف، فواد عالم، افتخار احمد، عماد وسیم، امام الحق، خوشدل شاہ، محمد عباس، موسیٰ خان، نسیم شاہ، روحیل نذیر، سرفراز احمد، شاہین شاہ آفریدی، شان مسعود، سہیل خان، عثمان شنواری اور یاسر شاہ شامل ہیں ۔