پی ٹی اے نے ‘‘پب جی’’ گیم پر پابندی عائد کردی

556

پاکستان ٹیلی کمیونیکیشن (پی ٹی اے) نے مقبول آن لائن گیم ‘‘پب جی’’ پرعارضی پابندی عائد کردی ہے۔

ترجمان پی ٹی اے کے مطابق گیم پر مکمل پابندی عائد کرنی ہے یا نہیں اس حوالے سے حتمی فیصلہ مشاورت کے بعد کیا جائے گا۔

خیال رہے کہ مشہور آن لائن ویڈیو گیم پب جی کھیلنے سے منع کرنے پرپنجاب سوسائٹی کے رہائشی 18 سالہ نوجوان شہریار نےآج خود کشی کرلی ہے،اس سے پہلےبھی اس گیم کی وجہ سے اموات ہوچکی ہیں۔

لاہور پولیس کی جانب سےگیم پر پابندی لگانے کیلئےاعلی حکام کو خط بھی لکھا گیا تھا۔

واضح رہے کہ ‘‘پب جی’’ نوجوانوں اور بچوں میں کافی مقبول آن لائن گیم ہے جسے پاکستان سمیت دنیا بھر میں جنون کی حد تک کھیلا جاتا ہے جب کہ پڑوسی ملک بھارت میں بھی اس گیم کی وجہ سے اموات ہوچکی ہیں۔