یورپ نے غیر ملکیوں کیلیے دروازے کھول دیے، امریکا و بھارت کیلیے بند

390

کورونا وبا میں کمی کے بعد بعض یورپی ممالک نے پابندیوں میں نرمی کرتے ہوئے اپنی سرحدیں دیگر ممالک کے شہریوں کے لیے کھول دیں۔

یورپی یونین نے ابتدائی طور پر 14 ممالک کے شہریوں کو یورپ میں داخلے کی اجازت دے دی، یہ اجازت کورونا خطرات میں کمی کے بعد مذکورہ ممالک کی مشاورت اور تمام تر احتیاطی تدابیر کو مدنظر رکھتے ہوئے دی گئی ہیں۔

کورونا وبا کی تباہ کاریوں کی وجہ سے یورپ میں مہینوں سے نافذ لاک ڈاؤن اور پابندیوں میں بتدریج نرمی کی جارہی ہے اور بعض ممالک کی جانب سے غیرملکیوں کے لیے دروازے کھولنا اسی سلسلے کی ایک کڑی ہے۔

ابتدائی طور پر جن ممالک کے شہریوں کو یورپ آنے کی اجازت ہوگی ان میں نیوزی لینڈ، آسٹریلیا، کینیڈا، الجیریا، تیونس اور وہ دیگر ممالک شامل ہیں جہاں مہلک وبا پر قابو پایا جا چکا ہے۔

البتہ کورونا سے بڑے پیمانے پر متاثرہ امریکی و بھارتی شہریوں کے لیے یورپ کے دروازے بند ہیں جب کہ چینی شہریوں کا داخلہ یورپی شہریوں پر عائد پابندی سے مشروط ہے۔