اسلام آباد:وزیرتعلیم شفقت محمود کا کہنا ہے کہ 15 جولائی سے تعلیمی ادارے کھولنے کا کوئی فیصلہ نہیں ہوا۔
وفاقی وزیرتعلیم شفقت محمود نے 2 جولائی کو اجلاس طلب کرلیا جس میں جامعات اور امتحانات سے متعلق بات کی جائےگی۔
وزیرتعلیم نے کہا کہ آن لائن تعلیمی نظام کے لیے انٹرنیٹ مسائل کاسامنا ہے تاہم تعلیمی ادارے کھولنے کاکوئی فیصلہ نہیں کیاگیا، بچوں کی صحت اور زندگی حکومت کی اولین ترجیح ہے۔
انہوں نے کہا کہ اساتذہ پرتنخواہوں اوردیگر معاملات کا دباوَ ہے جبکہ وزارت تعلیم کی طرف سے اجلاس صورتحال کا جائزہ لینے کے لیے ہوتے ہیں۔
Strange. No decision has been made to reopen educational institutions by July 15 https://t.co/CFdeeeMTcC
— Shafqat Mahmood (@Shafqat_Mahmood) June 25, 2020
وزیر تعلیم شفقت محمود نے سماجی رابطے کی ویب سائٹ پر اپنے ایک پیغام میں کہا کہ سوشل میڈیا پر تعلیمی ادارے 15 جولائی کو کھولنے کی افواہیں چل رہیں مگر اب تک تعلیمی ادارے کھولنے کا کوئی فیصلہ نہیں ہوا۔