لیاری ایکسپریس وے پر ٹریفک حادثہ: 4افرادجاں بحق 1 زخمی

337

کراچی: لیاری ایکسپریس وے پرٹریفک حادثہ میں4 افرادجاں بحق جبکہ 1 زخمی ہوگیا۔

تفصیلات کے مطابق کراچی لیاری ایکسپریس پرتیزرفتار گاڑی الٹ گئی جس کے نتیجے میں سڑک کے قریب موجود 4 افراد جاں بحق اور 1 زخمی ہوگیا جبکہ گاڑی میں موجود بچے سمیت 3 افراد معجزانہ طور پر محفوظ رہے۔

دوسری جانب پولیس نے ڈرائیور سمیت 2 افراد کو گرفتار کرلیا کار ڈرائیور نے پولیس کو ابتدائی بیان ریکارڈ کراتے ہوئے کہا کہ حادثے کے مقام پراچانک ایک شخص سامنے آیا جسے بچاتے ہوئے کار بے قابو ہوگئی۔

ڈرائیور نے اپنے بیان کہا کہ کار کا اسٹیئرنگ بائیں جانب مڑگیا جہاں کچھ لوگ سوئے ہوئے تھے جبکہ پولیس کا کہنا ہے کہ حراست میں لیے جانیوالے افراد شیرشاہ کے رہائشی ہیں۔