ٹڈی دل حملوں سے تباہی کے ذمہ دار عمران خان ہونگے، بلاول بھٹو

330

کراچی : چیئرمین پیپلز پارٹی بلاول بھٹو زرداری کا کہنا ہے کہ  ٹڈی دل حملوں سے تباہی کے ذمہ دار عمران خان ہونگے، غلط حکومتی فیصلوں سے کورونا پھیلا ہے۔

بلاول بھٹو نے  کہا کہ وزیر اعظم ہلاکتوں کے باوجود لاک ڈاؤن نہیں کرنا چاہتے، عمران خان  نے ڈبلیو ایچ او کی وارننگ کو ہوا میں اڑادیا ہے، وزیر اعظم لاک ڈاؤن سے متعلق ڈبلیو ایچ او کی رائے سن لیں۔

چیئرمین پیپلز پارٹی  کا مزید کہنا تھا کہ بجٹ میں صحت اورزرعی شعبے نظر انداز کیے گئے ، عوام دشمن بجٹ اور سیاسی صورتحال پر جلد اے پی سی بلائیں گے۔

انہوں نے مزید کہا کہ لگتاہے وزیراعظم کو این ایف سی ایوارڈ کا نہیں پتہ، اگر وزیر اعظم کو این ایف سی ایوارڈ کا نہیں پتہ تو ملک کیسے چلے گا؟18ویں ترمیم پروزیر اعظم کے بیانات پر تحفظات ہیں۔