وزیر صحت پنجاب ڈاکٹر یاسمین راشد نے لاہور کے شہریوں سے متعلق بیان پر معذرت کر لی۔
نجی ٹی وی سے گفتگو کرتے ہوئے انہوں نے کہا کہ لاہور میں کورونا کے بڑھتے کیسز سے دل دکھی ہوا جس پر لاہوریوں کو ڈانٹا، اگر میری بات سے کسی کی دل آزاری ہوئی ہے تو معذرت کرتی ہوں۔
ڈاکٹر یاسمین راشد نے کہا کہ میرے سے بڑھ کرکوئی لاہورن نہیں ، میں خود لاہورن ہوں، بڑھتے کورونا کیسز پر انہیں ڈانٹا ہے۔
ان کا کہنا تھا کہ میرے بیان کا مقصد کسی کی دل آزاری نہیں تھا بلکہ ڈانٹ کر سمجھانا تھا، میرا دل لاہوریوں کے لیے ماں کی طرح ہےمیں اپنے بیان پر معذرت کرتی ہوں۔
واضح رہے کہ گزشتہ روز ڈاکٹریاسمین راشد کا بے احتیاطی کے باعث کورونا کے بڑھتے کیسز پر کہنا تھا کہ لاہوریے الگ ہی مخلوق ہیں۔
