سینیٹر سراج الحق نے سید منور حسن کی عیادت کی

739

     کراچی :امیر جماعت اسلامی پاکستان سینیٹر سراج الحق نے مقامی اسپتال میں زیر علاج سابق امیر جماعت اسلامی پاکستان سید منور حسن کی عیادت کی اور ان کی جلد صحت یابی کے لیے دعا کی۔

سراج الحق نے ڈاکٹرز سے سید منور حسن کے علاج کے حوالے سے تفصیلات معلوم کیں اور ان کی خدمات پر اظہار اطمینان کیا۔

 سینیٹر سراج الحق نے گفتگو کرتے ہوئے کہا کہ سید منور حسن نے اپنی پوری زندگی اقامت دین کی جہدوجہد میں گزاری، سید منور حسن  نہ صرف تحریک اسلامی بلکہ پوری دنیا میں اسلام کے غلبہ کے لیے مصروف تحریکوں کے لیے راہ نما ہیں۔

انہوں نے مزید کہا کہ  زمانہ طالب علمی سے لے کر اب تک سیدمنور حسن نے اپنی دور اندیشی اور بھر پور موقف کے ذریعے غلبہ دین کی جدوجہد میں نمایاں کردار ادا کیا، امید ہے کہ وہ جلد صحت یاب ہو ں گے۔