سابق وزیراعظم بھی کورونا کا شکار ہوگئے

347

ملتان: سابق وزیراعظم یوسف رضا گیلانی کا بھی کورونا وائرس کا ٹیسٹ مثبت آگیا۔

یوسف رضا گیلانی کے صاحبزادے علی قاسم گیلانی نے ٹوئٹر پر ٹوئٹ کرتے ہوئے بتایا کہ ان کے والد میں کورونا وائرس کی تشخیص ہوئی ہے۔

علی قاسم گیلانی نے تنقید کرتے ہوئے لکھا کہ وزیراعظم عمران خان کی حکومت اور قومی احتساب بیورو (نیب) کا شکریہ کہ جن کی وجہ سے میرے والد کی زندگی خطرے میں آگئی۔

انہوں نے مزید کہا کہ سب میرے والد کی صحت یابی کے لیے دعا کریں۔