ترجمان اسلامی جمعیت طلبہ جامعہ کراچی شعور تنولی نے اپنے جاری کردہ بیان میں کہا ہے کہ جامعہ کراچی اکیڈمک کونسل کا حالیہ آن لائن کلاسز کے متعلق فیصلہ جہاں خوش آیند ہے وہیں جامعہ کے طلبہ و طالبات میں تشویش کی لہر پائی جاتی ہے۔
اُنھوں نے کہا کہ جامعہ کراچی پاکستان کے طول و ارض میں اپنے طالب علموں کا جال رکھتی ہے جس میں سے اکثر طلبہ و طالبات انٹر نیٹ کی سہولت سے محروم ہیں تو اکثر طالب علم الیکٹرنک ڈیوائسس کی استطاعت نہیں رکھتے۔
یہاں یہ بات ذہن نشین کرنے کی بھی ضرورت ہے کہ جامعہ کے بہت سے طالبِ علم لاک ڈاون کی طوالت کے باعث اپنے آبائی علاقوں کی طرف روانہ ہوچکے ہیں۔
جمعیت جامعہ کراچی کے ترجمان کا مزید کہنا تھا کہ جامعہ کراچی کی اکیڈمک کونسل کو اس بات کی طرف بھی دھیان دینا چاہیے کہ جامعہ کی آفیشل ویب سائٹ جو نئے داخلوں کے دوران اکثر ڈاون رہتی ہے۔ وہ اس نازک صورتِ حال میں بہ یک وقت ہزاروں طلبہ و طالبات کے لیے کس طرح آن لائن کلاسز کے انعقاد کو ممکن بناسکے گی۔
