امریکی وزیر دفاع نے ٹرمپ کا ایک اور حکم ہوا میں اڑا دیا

418

واشنگٹن: امریکی محکمہ دفاع نے صدر ڈونلڈ ٹرمپ کا ایک اور حکم مسترد کردیا۔

غیر ملکی میڈیا کے مطابق امریکی صدر ٹرمپ نے محکمہ دفاع کو حکم دیا تھا کہ نیشنل گارڈز کو مسلح کیا جائے جب کہ وزیر دفاع مارک ایسپر نے نیشنل گارڈز کو غیر مسلح کرکے صدر ٹرمپ کے حکم کو ہوا میں اڑا دیا۔

صدر ٹرمپ نے وزیر دفاع کو یہ بھی ہدایت کی تھی کہ واشنگٹن میں ہنگامی بنیادوں پر فوج تعینات کی جائےلیکن وزیر دفاع نے صدر ٹرمپ کی ہدایت پر عمل در آمد نہیں کیا۔