ریلوے مسافروں کے لیے اچھی خبر

643

پاکستان ریلوے نے مسافروں کی جانب سے خریدے گئے ٹکٹوں کی رقم واپس کرنے کا فیصلہ کرلیا ہے۔

تفصیلات کے مطابق پاکستان ریلوے لاک ڈاؤن سے قبل ٹکٹ خریدنے والے مسافر جنہوں نے ریلوے محدود آپریشن شروع ہونے کے بعد اپنی ٹکٹ استعمال نہیں کی  انہیں ٹکٹ مکمل رقم واپس کرنے کا فیصلہ کیا ہے۔

انتظامیہ نے ٹکٹ ری فنڈ کرانے والے مسافروں کو فوری رقم ادا کرنے کی ہدایت  کردی ہے۔

ری فنڈ کی رقم متعلقہ سٹیشن یا بکنگ آفس سے ادا کی جائے گی ،متعلقہ بکنگ آفس بند ہونے کی صورت میں  رقم ری فنڈ کے لیے اسی ڈویزن میں قریب ترین بکنگ آفس سے رجوع کیا جا سکتا ہے۔