روس جاسوسی کے الزام میں قید بیمار امریکی شہری کو رہا کرے، پومپیو

واشنگٹن (اے پی پی) امریکی وزیرخارجہ مائیک پومپیو نے ماسکو حکومت سے مطالبہ کیا ہے کہ وہ جاسوسی کے الزام میں قید ایک بیماری امریکی شہری کو رہا کرے۔ روس میں50 سالہ سابقہ امریکی میرین پاؤل وہیلن جاسوسی کے جرم میں قید ہیں۔ پاؤل وہیلن بیک وقت امریکی، کینیڈین، آئرش اور برطانوی شہریت کے حامل ہیں۔ انہیں دسمبر 2018 میں خفیہ سرکاری دستاویزات رکھنے کے جرم میں حراست میں لیا گیا تھا۔