سپریم کورٹ کے سابق جج عمر اکمل کی اپیل پر سماعت کریں گے

514

لاہور: سپریم کورٹ کے سابق جج جسٹس ریٹائرڈ فقیر محمد کھوکھرعمر اکمل کی اپیل پر سماعت کریں گے۔

تفصیلات کے مطابق سپریم کورٹ کے سابق جج جسٹس ریٹائرڈ فقیر محمد کھوکھر کو انڈیپینڈنٹ ایڈجیوڈیکٹر مقرر کردیا گیا ہے۔ وہ قومی کرکٹر عمر اکمل کی جانب سے دائر اپیل پر سماعت کریں گے۔ دو مختلف مواقع پر پی سی بی کے اینٹی کرپشن کوڈ کی خلاف ورزی کرنے کے سبب عمر اکمل پر تین سال کی پابندی عائد ہے۔

اب اس اپیل کی سماعت کے لیے تاریخ کا تعین انڈیپینڈنٹ ایڈجیوڈیکٹر کریں گے۔ جیسے ہی تاریخ کا فیصلہ ہوگا،پی سی بی اس کا اعلان کردے گا۔

واضح رہے کہ عمر اکمل نے فکسنگ کی آفرز سے متعلق پی سی بی اینٹی کرپشن یونٹ کو آگاہ نہ کرکے آرٹیکل 2.4.4 کی خلاف ورزی کی تھی جس کے بعد ان پر 3 سال کی پابندی عائد کردی گئی اور عمر اکمل پر 3 سال کیلئے ہر قسم کی کرکٹ کھیلنے پر پابندی ہوگی۔