عزیز میمن کے قتل کے ملزمان حکومت میں ہیں،فواد چودھری

44

اسلام آباد ( آن لائن) سائنس و ٹیکنالوجی کے وفاقی وزیر فواد چودھری نے کہاہے کہ صحافی عزیز میمن کے قتل کے ملزمان خود حکومت میں ہیں۔سماجی رابطے کی ویب سائٹ ٹوئٹر پر ایک بیان میں وفاقی وزیرِ سائنس و ٹیکنالوجی فواد چودھری نے کہا کہ اب سندھ پولیس مان رہی ہے کہ صحافی عزیز میمن کا قتل ہوا اور کرائے کا قاتل بھی گرفتار ہے۔انہوں نے کہا کہ انہوں نے قومی اسمبلی میں بھی کہا تھا کہ تفتیش سندھ سے منتقل کرنا ضروری ہے۔وزیرِ سائنس اینڈ ٹیکنالوجی فواد چودھری نے کہاکہ ملزمان خود حکومت میں ہیں، انصاف ہوتا نظر آنا چاہیے۔