کورونا وائرس کے پھیلاؤ کے باعث کراچی سمیت ملک بھر ایک بار پھر سخت لاک ڈاؤن کی تیاریاں مکمل کرلی گئیں ہیں ۔
ذرائع ابلاغ سے حاصل ہونے والی معلومات کے مطابق سندھ اور بلوچستان کی حکومتیں لاک ڈاؤن کے حق میں ہیں جبکہ پنجاب اور کے پی پی ٹی آئی صوبائی حکومتیں کشمکش کا شکار ہیں۔
ذرائع کا کہنا ہے کہ سندھ حکومت کا کورونا وائرس کے سبب بڑھتی ہوئی اموات کے بعدیکم جون سے سخت لاک ڈاؤن کرنے کا حتمی فیصلہ کرچکی ہے جس میں شام 5 بجے سے صبح 6 بجے تک کرفیو لگانے کاآپشن بھی زیر غور ہے۔
ذارئع نے دعویٰ کیاہے کہ وزیراعظم عمران خان کی زیر صدارت ہونے والےقومی رابطہ کمیٹی کےاجلاس میں سندھ حکومت وفاق کو لاک ڈاؤن کرنے پر قائل کرے گی جبکہ سندھ حکومت کا تاجر برادری کو اعتماد میں لینے کا فیصلہ بھی کیا ہے۔
واضح رہے کہ لاک ڈاؤن میں نرمی سپریم کورٹ کے فیصلہ پر کی گئی سپریم کورٹ نے 31مئی تک لاک ڈاؤن میں نرمی کا فیصلہ دیا تھا۔