کابل(اے پی پی) افغانستان کے مشرقی صوبہ پکتیا میں طالبان کے فوجی اورسیکورٹی فورسزپر حملے میں 14 افغان فوجی ہلاک اور 3 زخمی ہو گئے۔ چینی خبر رساں ادارے کے مطابق افغان وزارت دفاع نے جاری کردہ بیان میں بتایا کہ گزشتہ رات کو طالبان کے ایک گروپ نے ضلع دند پتن میں دفاعی اور سیکورٹی فورسز کی چیک پوسٹ پر حملہ کر دیا جس میں 14 فوجی مارے گئے اور 3 زخمی ہو گئے جبکہ فائرنگ کے تبادلے میں کئی طالبان بھی مارے گئے۔ طالبان نے اس حوالے سے ابھی تک کوئی بیان جاری نہیں کیا ہے۔ واضح رہے کہ طالبان نے عیدالفطر پر 3 روز کے لیے جنگ بندی کی تھی جو منگل کو ختم ہو گئی تھی۔
