اسلام آباد: وفاقی وزیر اطلاعات شبلی فراز کا کہنا ہے کہ قومی وقار اور سالمیت ہمارے لئے سب سے مقدم ہے۔
وفاقی وزیر اطلاعات وسینیٹر نے سماجی رابطے کی ویب سائٹ ٹوئٹر پر یوم تکبیر کے موقع پر اپنے بیان میں کہا ہے کہ آج کے دن پاکستان کو اسلامی دنیا کی واحد ایٹمی طاقت بننے کا اعزاز حاصل ہوا، ہماری ایٹمی قوت پاکستان اور اسکے عوام کے تحفظ و سلامتی کی ضامن ہے، قومی وقار اور سالمیت ہمارے لئے سب سے مقدم ہے جبکہ قوم ملک کے دفاع اور ترقی کیلئے ایک ہے۔
آج کے دن پاکستان کو اسلامی دنیا کی واحد ایٹمی طاقت بننے کا اعزاز حاصل ہوا۔ہماری ایٹمی قوت پاکستان اور اسکے عوام کے تحفظ و سلامتی کی ضامن ہے۔قومی وقار اور سالمیت ہمارے لئے سب سے مقدم ہے۔ قوم ملک کے دفاع اور ترقی کیلئے ایک ہے۔1/3
— Senator Shibli Faraz (@shiblifaraz) May 28, 2020
انہوں نے اپنے پیغام میں کہا کہ مریم نواز صاحبہ پاکستان کو ایٹمی قوت بنانے والی ایک نسل کی محنت اور کاوش کو ہر چیز کی طرح اپنے خاندان سے نہ جوڑیں۔اپنے کارکنوں کو تنہا چھوڑ کر ہر مرتبہ میدان سے بھاگنے والوں سے قوم آگاہ ہے۔جو اپنے بیانیے سے وفاء نہ کرسکے وہ عوام سے کیا وفاء کریں گے۔
شبلی فراز نے مزید کہا کہ آپ کی قیادت کی وفا مٹی سے نہیں پیسے سے رہی۔ان وفاؤں کی تصویریں ایون فیلڈ اور دیگر جائیدادوں کی صورت دنیا بھر میں نظر آتی ہیں۔قوم کے بچوں کا مستقبل چھین کر اپنی اولادوں کی زندگی بنانے والوں کو قوم کبھی معاف نہیں کرے گی۔