اسلام آباد (جسارت نیوز)پاکستان ٹین پن بولنگ فیڈریشن کے صدر اعجاز الرحمن نے کہاہے کہ وفاقی دارالحکومت میں پاکستان اسپورٹس کمپلیکس کو اسپورٹس سٹی بنایا جائے۔ اپنے بیان میں انہوں نے کہا کہ بیرون ملک سے کافی تعداد لوگ پاکستان آکر رقوم خرچ کرنے کیلئے تیار ہیں، اسپورٹس سٹی میں ہر قسم کے کھیلوں کے میدان ہوں جس میں بچوں کے مقابلے منعقد ہوں جس سے اسپورٹس سٹی خود اپنے اخراجات پورے کرنے کے ساتھ ساتھ بھاری رقوم بھی پیدا کرسکتا ہے اور حکومت کو اس پر کوئی فنڈز خرچ کرنے کی بھی ضرورت نہیں پڑھے گی، انہوں نے کہا کہ وزیر اعظم عمران خان کے مشن میں نوجوان کو کھیلوں کی سہولیات فراہم کرنا شامل ہے اور اس منصوبے سے حکومت پر بھی بوجھ نہیں پڑھے گا اور نوجوانوں کو بھی کھیلنے سہولیات بھی مل جائیں گی، ایک سوال کے جواب میں اعجاز الرحمن نے کہاکہ اگر حکومت مجھے اسپورٹس سٹی بنانے کی ذمہ داری دیتی ہے تو میرے پاس بیرون ممالک فنڈز جمع کرنے کے ذریعے موجود ہیں اور اس منصوبے پر کام کیا جاسکتا ہے۔
