کراچی کے جناح اسپتال میں میت حوالے نہ کرنے پر وارڈ میں توڑ پھوڑ کرنے پر پولیس نے 10 افراد کو حراست میں لے لیا۔
ڈائریکٹر جناح اسپتال سیمی جمالی نے دعویٰ کیا ہے کہ 60 سالہ مریضہ کو چیسٹ انفیکشن تھا جنہیں ڈاؤ اوجھا کیمپس سے کرونا کے شبے میں جناح اسپتال منتقل کیا گیا،جہاں خاتون کے ٹیسٹ کیلیے نمونے لیے گئے تھے جس کے نتائج کا انتظار تھا مگر اس دوران خاتون انتقال کرگئیں۔
اسپتال انتظامیہ نے ایس او پی کے بغیر میت ورثاءکے حوالےکرنے سے انکار کیا جس پر لواحقین مشتعل ہوگئے اور توڑ پھوڑ شروع کردی،واقعے کے بعد پولیس نے توڑ پھوڑ کرنے کے الزام میں 10 افراد کو حراست میں لے لیا۔