عمراکمل پر تاحیات پابندی کا مطالبہ

548

سابق وکٹ کیپر بیٹسمین راشد لطیف نے میچ فکسنگ میں سزا یافتہ عمر اکمل پر تاحیات پابندی لگانے کا مطالبہ کردیا۔

پی سی بی کی جانب سے میچ فکسنگ پر تین سالہ پابندی پر ردعمل دیتے ہوئے راشد لطیف نے کہا کہ عمراکمل پر تاحیات پابندی لگنی چاہیے۔

انہوں نے سزا سے متعلق فیصلے کو درست قرار دیتے ہوئے کہا کہ پی سی بی نے بالکل ٹھیک فیصلہ کیا، میرا ذاتی خیال ہے کہ عمراکمل پر ساری زندگی کے لیے ہر قسم کی کرکٹ کھیلنے پر پابندی لگادینی چاہیئے۔

راشد لطیف نے کہا کہ عمراکمل کو اینٹی کرپشن کوڈ کے تحت جو سزا ملی وہ درست ہے مگر تاحیات پابندی لگا کر میچ فکسنگ کے قوانین کو مزید سخت کیا جانا چاہیئے۔

انہوں نے زور دیا کہ اب وقت آگیا ہے کہ میچ فکسنگ کے حوالے سے قانون سازی کی جائے اور اس کی پارلیمنٹ سے منظوری لی جائے جس میں سخت سزائیں تجویز کی جائیں۔