کورونا کے خلاف جنگ، سوئٹزلینڈ کی یکجہتی

1501

زیورخ: سوئٹزلینڈ نے یورپ کے ساتھ ملنے والی بلند ترین چوٹی میٹ رہارن میں کورونا وائرس  سے جدوجہد کرنے والے ممالک کے پرچموں کو بلند پہاڑی سلسلوں پر روش کرکے یکجہتی کا پیغام دیا۔

تفصیلات کے مطابق سوٹزر لینڈ کی اطالوی سرحد پر واقع 4 ہزار 478 میٹر بلند عالمی شہرت یافتہ پہاڑی چوٹی میٹ رہارن پر کورونا وائرس کے خلاف جدوجہد کرنے پر تقریبا  دنیا تمام ممالک کو خراج تحسین پیش کیا گیا اس دلفریب منظر کو دیکھنے کیلئے ہزاروں لوگ جمع ہوئے۔

زرمات ٹورازم کے ٹوئٹر سے جاری کردہ بیان کے مطابق کووِڈ۔19 کےخلاف جدوجہد میں ممالک میں پاکستان کیلئے لکھا کہ “ہم پاکستانی عوام کےساتھ اظہار یکجہتی کرتے ہیں اور ان کیلیے طاقت کی خواہش کرتے ہیں۔

پہاڑ پر پرچم کا منظر ایک مختصر وقت میں سوئٹزلینڈ میں مقیم پاکستانیوں سمیت دیگر ممالک کے سوشل میڈیا صفحات پرسب سے زیادہ استعمال کی جانے والی تصویر بن گئی۔

واضح رہے کہ میٹ رہارن چوٹی کو مختلف دنوں میں مختلف ممالک کےپرچموں سےروشن کر کے ان سے اظہار یکجہتی کیا جارہا ہے۔