وزیراعظم عمران خان کے فوکل پرسن ڈاکٹر فیصل سلطان کا کہنا ہے فیصل ایدھی کا کورونا ٹیسٹ مثبت آنے پر وزیراعظم عمران خان کو بھی ٹیسٹ کروانے کی تجویز دوں گا۔
ایدھی فاؤنڈیشن کے سربراہ فیصل ایدھی کا کورونا ٹیسٹ مثبت آنے کے معاملے پر فوکل پرسن ڈاکٹر فیصل سلطان نے میڈیا سے گفتگو کرتے ہوئے کہا کہ وزیر اعظم عمران خان کی زیر صدارت اس وقت کابینہ اجلاس جاری ہے،اس حوالے سے وزیراعظم سے کوئی بات نہیں ہوئی ہے۔
انہوں نے کہا کہ اجلاس کے بعد وزیراعظم سے ملاقات کروں گا اور انہیں کورونا ٹیسٹ کروانے کی تجویز دوں گا۔
واضح رہےکہ فیصل ایدھی نے پانچ روزقبل وزیراعظم عمران خان سے ملاقات کی تھی اور انہیں کورونا ریلیف فنڈ کیلئےایک کروڑ کاچیک پیش کیا تھا۔