اسلام آباد: اسلامی تاریخ کےآئینہ دار “ارطغرل غازی”پر بنائی گئی مقبول ترین ٹی وی سیریز دیرلیش ارطغرل یکم رمضان المبارک سے پی ٹی وی پر نشر کیا جائے گا۔
تفصیلات کے مطابق وزیر اعظم عمران خان کی ہدایت پر اردو زبان میں ڈب کی جانے والی اسلامی تاریخ پر مبنی شہرہ آفاق ترک سیریز کو “ارطغرل غازی” یکم رمضان سے روزانہ سرکاری ٹی پرنشر کیا جائےگا۔
مزید پڑھئیے: وزیراعظم کا ترک سیریل “ارطغرل غازی” کو پی ٹی وی پرنشرکرنے حکم
یاد رہے کہ گزشتہ سال اکتوبر میں وزیراعظم پاکستان عمران خان نےتاریخی ترک ڈرامے “دیرلیش ارطغرل” کا اپنی تقریر میں ذکر کرتے ہوئے اس خواہش کا اظہار کیا تھا کہ ترک سیریز اردو میں ڈب ہو تاکہ ہمارے لوگوں کو مسلمانوں کی تاریخ کا پتہ چلے۔
پی ٹی وی 'ارطغرل غازی' وزیراعظم عمران خان کی ہدائیت پر اردو میں نشرکر رہا ہے۔
'ارطغرل غازی' پی ٹی وی ہوم پراردو ڈبنگ کے ساتھ یکم رمضان سے روزانہ رات ٩ بج کر ١٠ منٹ پر نشر کیا جائگا۔
ڈرامے ک ہر قسط روزانہ رات12 بجے اور دن12 بجے دو بارہ پیش کی جائیگی۔#ErtugrulUrduPTV@trtworld pic.twitter.com/8ahN3T0VEN
— PTV News (@PTVNewsOfficial) April 20, 2020
ترک ڈرامے کی مقبولیت کا اندازہ اس بات سے بخوبی لگایا جاسکتا ہےکہ ٹی آر ٹی کے ڈپٹی ڈائرکٹر جنرل ابراہیم ایرن کے مطابق یہ ڈرامہ 60 سے زائد ممالک میں ٹی وی چینلز پر دکھایا جا رہا ہے،اب تک دنیا کے 78ممالک میں یہ سیریز دیکھی جارہی ہے جس میں مستقل اضافہ ہورہا ہے۔
ڈرامےکا یہ تہذیبی پہلو اتنا شاندار ہےکہ 2007 میں نیویارک ٹائمزمیں ولیم آرمسٹرانگ نے لکھا کہ “طیب اردوان اور ترکی کی نفسیات جاننے کے لیے ’ارطغرل‘ ڈرامہ دیکھ لیجیے”۔
ولیم آرمسٹرانگ کے بیان نے پروپگینڈے کی صورت اختیار کرلی جس کے بعد اردوان نے “ارطغرل” کے خلاف ہونے والے اس سارے پروپیگنڈے کے جواب میں صرف ایک فقرہ کہا کہ” جب تک شیر اپنی تاریخ خود نہیں لکھیں گے تب تک شکاری ہی ہیرو بنے رہیں گے”۔
