بشکیک (آئی این پی ) کرغیزستان کے دارالحکومت بشکیک میں مقیم پاکستانی طالب نے حکومت پاکستان سے مطالبہ کیا ہے کہ ہماری وطن واپسی کے لیے فلائٹس کا انتظام کیا جائے۔ تفصیلات کے مطابق کرغیزستان کے دارالحکومت بشکیک میں مقیم پاکستانی طالب علم ارباز خان نے اپنے وڈیو پیغام میں حکومت پاکستان سے اپیل کی ہے کہ کرغیزستان میں مقیم پاکستانی طالب علم کورونا وائرس کے باعث شدید مشکلات کا شکار ہیں۔ ارباز خان کے مطابق کرغیزستان میں کورونا کی ٹیسٹ کٹس تک دستیاب نہیں جبکہ ہم لوگ مالی بحران کا بھی شکار ہیں، لہٰذا حکومت پاکستان ہماری جلد وطن واپسی کے لیے فلائٹس چلائے۔
