پیکیج ملکی معیشت کیلیے گیم چینجر ثابت ہوگا، عقیل کریم ڈھیڈی

اسلام آباد (اے پی پی) معروف صنعت کار عقیل کریم ڈھیڈی نے کہا ہے کہ حکومت نے تعمیراتی صنعت کے لیے بہترین اقتصادی پیکج کا اعلان کیا ہے جو ملکی معیشت کے لیے گیم چینجر ثابت ہوگا۔ جمعہ کو میڈیاسے گفتگو کرتے ہوئے انہوں نے کہا کہ تعمیراتی صنعت گزشتہ 3 سال سے بحران میں تھی جسے اس اقتصادی پیکج سے ترقی ملے گی، انہوںنے کہا کہ مشکل کی اس گھڑی میں اس سے بہتر کوئی پیکج نہیں ہوسکتا۔ انہوں نے کہا کہ وزیر اعظم عمران خان نے کنسٹرکشن انڈسٹری کے لیے بہترین معاشی پیکج کا اعلان کیا ہے جس سے ملک میں تعمیراتی اور اقتصادی سرگرمیوں میں اضافہ ہوگا ۔