وزیر اعظم کی مقبوضہ کشمیر میں آبادی کا تناسب تبدیل کرنے کی مذمت

672

وزیر اعظم پاکستان عمران خان نےمقبوضہ کشمیر میں آبادی کا تناسب تبدیل کرنے کے اقدام کی سخت مذمت کی ہے۔

عمران خان نے عوام رابطے کی ویب سائٹ پر ٹوئٹ کرتے ہوئے کہا کہ مودی کی ہندو نسل پرست حکومت تمام عالمی قوانین معاہدوں کی خلاف ورزی کررہی ہے، نیا جموکشمیر تنظیم نو آرڈر 2020چوتھے جینوا کنونشن اورعالمی قوانین کی واضح خلاف ورزی ہے۔

انہوں نے مزید کہا کہ بی جے پی کی تنظیم کورونا وائرس کا فائدہ اٹھاتے ہوئے اس طرح کے اقدامات کررہاہے، بھارت اس مشکل وقت میں نامناسب اقدامات کررہاہے،اقوام متحدہ ان قوانین کو روکنے کے لیےاپنا کردار ادا کرے۔

وزیر اعظم کا کہنا تھا کہ پاکستان بھارتی ریاستی دہشت گردی کو بے نقاب کرتا رہے گا،ہر مشکل گھڑی میں ہم کشمیریوں کے ساتھ کھڑےہیں،دنیاکورونا سے نمٹنے کے لیے اقدامات کررہی ہے ۔