اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ اب غیرتصدیق شدہ کٹس کی بھرمار ہوگئی ہے۔
وفاقی وزیر برائے سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے ایک پیغام میں صوبائی حکومتوں اور NDMA کو خبردار کرے ہوئے کہا ہے کہ ابھی تک صرف چین کی کٹس آرہی تھیں،اب غیرتصدیق شدہ کٹس کی بھرمار ہوگئی ہے۔
انہوں نے کہا کہ درآمدشدہ کٹس میں تمام خصوصیات موجود نہیں، ہماری اپنی کٹس آجائیں تو یہ غیریقینی صورتحال ختم ہوجائےگی۔
صوبائ حکومتوں اور NDMA کو وارننگ دینا چاہتا ہوں،کرونا وائرس کی غیر تصدیق شدہ ٹیسٹک کٹس کی بھرمار ہو رہی ہے، اگربیمارمریض کو ٹسٹ صحتمند ظاہر کر دے گا تو اس کا مطلب ہے کئ جانوں کو خطرے میں ڈالنا، جب تک DRAP پاکستان کی اپنی کٹس کی تصدیق کرتا ہے آپ امپورٹ کریں لیکن صرف تصدیق شدہ کٹس
— Ch Fawad Hussain (@fawadchaudhry) March 31, 2020
فواد چوہدری نے کہا کہ ٹیسٹ کا درست ہونا بھی ضروری ہے اور مریض کوصحت مند ظاہر کیا جائے تویہ تشویشناک ہے۔
خیال رہے کہ ملک میں کورونا مریضوں کی تعداد 1866 ہوگئی ہے جبکہ 25 افراد جاں بحق ہوچکے ہیں۔
