اسلام آباد(خبر ایجنسیاں)اسلام آباد میں تھانہ سیکرٹریٹ کی حدود میں فلیٹ سے 65 سالہ برطانوی سفارت کار کی لاش برآمد ہوئی ہے جس کو پولیس نے اپنی تحویل میں لے لیا۔اسلام آباد پولیس کے مطابق 65 سالہ برطانوی شہری کی لاش ڈپلومیٹک ایریا میں فلیٹ سے برآمد ہوئی جن کی شناخت برین جارج رابنسن کے نام سے ہوئی۔پولیس کا کہنا تھا کہ برین جارج رابنسن برطانوی سفارت خانے میں تھرڈ سیکرٹری کی حیثیت سے تعینات تھے۔پولیس نے لاش کو اپنی تحویل میں لے کر کارروائی کے لیے پولی کلینک منتقل کر دیا۔برطانوی سفارت کار کی موت کے حوالے سے پولیس کا کہنا تھا کہ برین جارج رابنسن کی موت کی وجہ ابھی معلوم نہیں ہوسکی۔پولیس نے کہا کہ لاش تین سے چار دن پرانی ہے اور پوسٹ مارٹم کے بعد ہی وجہ موت سامنے آئے گی۔
