قوم کورونا وائرس سے نمٹنے کیلیے تیار ہو جائے، صدر مملکت

247

اسلام آباد (آن لائن) صدر مملکت ڈاکٹر عارف علوی نے اپیل کی ہے کہ قوم کورونا وائرس کے چیلنج سے نبردآزما ہونے کے لیے تیار ہو جائے، تمام اختلافات کو بھلا کر لوگوں کی مدد کی جائے۔ ان خیالات کا اظہار انہوں نے جمعرات کو سوشل میڈیا پر جاری اپنے پیغام میں کیا۔صدر مملکت نے کہاکہ کورونا کے خلاف جنگ میں باقی سب چیزیں ثانوی حیثیت کی حامل ہیں، اس کا مقابلہ ہر گھر اور ہر خاندان نے کرنا ہے۔انہوں نے عوام سے اپیل کی کہ وہ اپنی حفاظت بھی یقینی بنائیں اور دوسروں کی بھی مدد کریں۔
انہوں نے کہاکہ میں نے تمام سیاستدانوں سے اپیل کی ہے کہ وہ اختلافات کو بھلا دیں۔ انہوں نے علما کرام اور میڈیا پر بھی زور دیا کہ وہ احتیاط اور آگاہی کے پیغام کو پھیلائیں۔ انہوں نے کہاکہ میں نے تمام وزرائے اعلیٰ سے ضروری انتظامات کو یقینی بنانے اور صاحب الرائے اور صاحب استطاعت لوگوں سے بھی مدد کا کہا ہے۔