گوشت کی برآمدات میں 49.88فیصد کا نمایاں اضافہ

90

کراچی ( اسٹاف رپورٹر ) فروری 2020 کے دوران گوشت اور اس کی مصنوعات کی ملکی برآمدات میں 49.88فیصد کا نمایاں اضافہ ہوا ہے۔ فروری 2020 کے دوران برآمدات کا حجم 25.9ملین ڈالر تک بڑھ گیا جبکہ فروری 2019 میں گوشت اور اس کی مصنوعات کی برآمدات سے 17.3ملین ڈالر کا زرمبادلہ کمایا گیا تھا۔ اس طرح فروری 2019 کے مقابلہ میں فروری 2020 کے دوران گوشت اور اس کی مصنوعات کی قومی برآمدات میں 8.6ملین ڈالر یعنی 50فیصد کے قریب نمایاں اضافہ ریکارڈ کیا گیا ہے۔