پشاور: پاکستان کے صوبے خیبر پختونخوا میں کورونا وائرس سے متاثرہ ایک اور شخص کے جاں بحق ہونےسے ملک میں اموات کی تعداد دو ہوگئی۔
صوبائی وزیر صحت تیمور خان جھگڑا نے لیڈی ریڈنگ اسپتال میں کورونا وائرس سے عبدالفتح نامی شخص کے مرنے کی تصدیق کی ہے۔
Sadly, a second patient in LRH Peshawar, a 36 yr old, from Hangu, has also passed away, from the Corona Virus.
— Taimur Saleem Khan Jhagra (@Jhagra) March 18, 2020
وزیرصحت کے مطابق انتقال کرنے والا 36 سالہ عبدالفتح کو گزشتہ رات تشویش ناک حالت میں اسپتال منتقل کیا گیا تھا ۔
وزیر صحت کا کہناہے کہ عبدالفتح کا کووڈ-19 ٹیسٹ مثبت آیا تھا ۔عبدالفتح کا تعلق ہنگو سے ہے جو کچھ دنوں قبل دبئی سے پاکستان آیا تھا۔
واضح رہے کہ پاکستان میں کورونا وائرس سے پہلی ہلاکت گلگت بلتستان میں ہوئی۔